काठमाडौं– सुनिता विलियम्सको अन्तरिक्षमा तेस्रो मिसन प्रक्षेपण हुनु केही घण्टा अघि प्राविधिक समस्याका कारण स्थगित भएको छ ।

भारतीय मूलकी अन्तरिक्ष यात्री सुनिता विलियम्स तेस्रो पटक अन्तरिक्षमा उड्नका लागि पूर्ण रूपमा तयार थिइन् । सुनिताले मंगलबार बुच विल्मोरसँग नयाँ अन्तरिक्ष यान बोइङ स्टारलाइनरमा उडान भरेकी थिइन् ।  तर प्रक्षेपणको केही घण्टा अगाडि नै प्राविधिक समस्याका कारण मिसन तत्कालका लागि स्थगित गरिएको थियो । उनले पहिलो पटक सन् २००६ मा र दोस्रो पटक २०१२ मा उडान भरेकी थिइन् ।

हाल यो मिसन प्रक्षेपणको लागि कुनै नयाँ मिति घोषणा गरिएको छैन । जानकारीका अनुसार यो उडान युनाइटेड लन्च एलायन्स एटलस भी रकेटबाट मे ७ अर्थात् आज बिहान ८ : ०४ बजे फ्लोरिडास्थित केप क्यानाभेरल स्पेस फोर्स स्टेशनको स्पेस कम्प्लेक्स–४१ बाट प्रक्षेपण गरिएकाे थियो ।

नासाका अनुसार सुनिताले कूल ३२२ दिन अन्तरिक्षमा बिताएकी छन् ।

बोइङका अनुसार क्रु स्पेस ट्रान्सपोर्टेशन (सीएसटी)-१०० स्टारलाइनर स्पेसक्राफ्ट सात यात्रुका लागि डिजाइन गरिएको हो । यसमा चालक दलका सदस्यहरू र सामानहरू पनि समायोजन र बोक्न सकिन्छ । यसलाई बनाउन १० वर्षभन्दा बढी समय लाग्यो ।

नासाका अनुसार प्यारासुट र एयरब्यागको सहयोगमा चालक दलको क्याप्सुल दक्षिणपश्चिमी संयुक्त राज्य अमेरिकामा अवतरण गर्नु अघि अन्तरिक्ष यात्रीहरूले प्रयोगशालामा करिब एक हप्ता बिताउनेछन् ।

नासाले सन् १९८८ मा सुनिता विलियम्सलाई अन्तरिक्ष यात्रीका रूपमा चयन गरेको थियो र उनीसँग दुई वटा अन्तरिक्ष अभियानको अनुभव छ । उनले एक्सपेडिसन ३२ को फ्लाइट इन्जिनियर र एक्सपिडिसन ३३ को कमाण्डरको रूपमा काम गरिन् ।

समाचार श्राेत : दैनिक भास्कर/एनडीटिभी इन्डिया 

याे पनि…
अन्तरिक्ष यात्रामा जाँदै सुनिता विलियम्स