काठमाडौं– नेपाल प्रिमियर लिग (एनपीएल) अन्तर्गत शुक्रबारको पहिलो खेलमा चितवन राइनोजले कर्णाली याक्स सामु १३१ रनको लक्ष्य प्रस्तुत गरेको छ ।

त्रिवि अन्तराष्ट्रिय खेल मैदानमा सुरु भएको खेलमा टस हारेर आमन्त्रणमा पहिले ब्याटिङ गरेको चितवन राइनोजले निर्धारित ओभरमा ७ विकेटको क्षतिमा मात्र १३० रन बनाएको छ ।

 चितवन राइनोजका लागि रवि बोपाराले ४० बलमा सर्वाधिक ५९ रन बनाएर अविजित रहे । कुशल मल्लले २३ रन बनाए ।

कर्णाली याक्सका लागि बिपिन शर्माले ३ विकेट लिए । जिशान मकसुदले २ विकेट लिए । कप्तान सोमपाल कामी र नन्दन यादवले १–१ विकेट लिए ।

यसअघिका सम्पूर्ण खेल गुमाएको कर्णालीले शुक्रबार दुई खेलाडीलाई परिवर्तन गरेको थियो । उसले बाबर हायत र भुवन कार्कीको स्थानमा युनिस विक्रम सिंह ठकुरी र र विल बसिस्टोलाई मैदानमा उतारेको छ ।