काठमाडौं– प्रभु बैंक लिमिटेडका ग्राहक तथा कर्मचारीलाई कमलादीस्थित हेयर एन्ड शान्ति युनिसेक्स सैलुनमा सौन्दर्य सम्बन्धी सेवा सुविधामा छुट प्रदान गर्ने सम्झौता भएको छ ।

बिहीबार एक समारोहका बिच सैलुनका  निर्देशक रामकुमार श्रेष्ठ र बैंकका प्रमुख बजार व्यवस्थापन अधिकृत रवीन्द्र ढकालले समझदारी पत्रमा हस्ताक्षर गरेका छन् ।

उक्त समारोहमा प्रभु बैंकका बजार व्यवस्थापकका म्यानेजर दिना चित्रकार र अधिकृत आशुतोष सिंह कठायत तथा हेयर एण्ड शान्तिका  म्यानेजर पुजा थापाको समेत उपस्थिति रहेको थियो ।

सम्झौताअनुसार बैंकका ग्राहक तथा कर्मचारीले हेयर एण्ड शान्तिमा प्रोफेशनल मेकअप, पेनलेस डिपिलेसन, हेयरकट र स्टाइलिङ, आइल्याश एक्सटेन्सन, प्रोफेशनल स्टाइलिस्ट, स्पा प्रक्रिया, रिजेनेरेटिङ ट्रीटमेन्ट, मैनीक्योर र पेडीक्योरलगायत सौन्दर्य सम्बन्धी सेवा लिँदा (थ्रेड्रिङ्गबाहेक) ग्राहकलाई १० प्रतिशत र कर्मचारीहरूलाई ३० प्रतिशतसम्म छुट प्राप्त गर्न सक्नेछन् ।

छुट सुविधाका लागि बैंककाे मान्य डेबिट कार्ड, क्रेडिट कार्ड तथा विद्युतीय प्रणालीमध्ये कुनै एक तथा बैंकका कर्मचारीले बैंकको कर्मचारी परिचयपत्रसमेत पेश गर्नुपर्ने छ ।