काठमाडौं- प्रधानमन्त्री निवास बालुवाटारमा शनिबार बसेको सत्ता गठबन्धनको बैठक बिनानिष्कर्ष सकिएको छ ।

राष्ट्रियसभाको निर्वाचनमा सिट बाँडफाँटको विषय टुङ्ग्याउन बसेको बैठकमा दलहरुबीच कुरा नमिलेको हो ।

आजको बैठकमा नेपाली कांग्रेस, नेकपा माओवादी केन्द्र, नेकपा एकीकृत समाजवादी, जनता समाजवादी पार्टी (जसपा) नेपाल, जनमत पार्टी, नागरिक उन्मुक्ति पार्टी, राष्ट्रिय जनमोर्चालगायत गठबन्धनमा आबद्ध दलका नेताहरुको सहभागिता थियो ।

बैठकमा मुख्य चार दलबीच सिट विभाजनमा कुरा नमिलेको बुझिएको छ ।

जनमत पार्टीका अध्यक्ष सिके राउतले खबरहबलाई भने, “कांग्रेस, माओवादी र जसपाबीच सिट विभाजनमा कुरा मिलेको छैन ।”

उनका अनुसार राष्ट्रिय जनमोर्चाले पनि १ सिटमा दाबी गरेको छ । स्रोतका अनुसार कांग्रेसले ११ सिटमा आफ्नो दाबी कायमै राखेको छ । दुई सिट पाउने लगभग पक्का भएपनि जसपाले तीन सिटमा दाबी गरेको छ ।

नागरिक उन्मुक्ति, जनमत र जनमोर्चालाई १-१ सिट दिन गठबन्धनको सबैभन्दा ठूलो दल कांग्रेस तयार देखिएको छैन ।

बालुबाटार स्रोतले खबरहबलाई दिएको जानकारी अनुसार अहिले पनि कांग्रेस, माओवादी केन्द्र, एकीकृत समाजवादी र जसपाका नेताहरुबीच अनौपचारिक छ्लफल भइरहेको छ ।

यो पनि…

राष्ट्रियसभा निर्वाचन : कसरी हुन्छ सिटको पँजनी ?

नेकपा एकीकृतको बैठक सकियो, राष्ट्रियसभा उम्मेदवार छान्ने जिम्मा तीन नेतालाई