काठमाडौं– काठमाडौंमा नयाँ ‘नव्य नाचघर’ सञ्चालनमा आएको छ । यसअघि स्टुडियो कत्थक, भरतनाट्यम् विधामा नृत्य शृङ्खला सञ्चालन गर्दै आएको एस्थेटिक डान्स स्टुडियोले सिनामंगलमा नव्य नाचघर सञ्चालनमा ल्याएको हो ।
नेपालमा नृत्य नाटक विधालाई विकसित गर्ने उद्देश्यले एस्थेटिक डान्स स्टुडियोले नव्य नाचघर सञ्चालनमा ल्याएको हो । शुक्रबारदेखि मञ्चन हुने ‘प्रेमारम्भ’ नृत्य नाटकसँगै उक्त नाचघर सञ्चालनमा ल्याइएको हो ।
संस्थापक एवम् निर्देशक नम्रता केसीले स्टुडियोमा ‘पर्फम’मात्रै गर्ने तर छुट्टै स्टेज नभएकोले यो नाचघर सञ्चालनमा ल्याएको बताइन्।
एस्थेटिक डान्स स्टुडियोसँग हाल करिब २५० जना विद्यार्थी संलग्न छन्। प्रशिक्षक पनि १० जना भन्दा बढी छन्।
आजदेखि हरेक शुक्रबार र शनिबार नाचघरमा मञ्चन हुने प्रेमारम्भमा प्रकृतिसँग संस्कृति मिसिँदा समाजमा हुने परिवर्तनलाई दर्शाउन खोजिएको छ।
प्रतिक्रिया