काठमाडौं– नेपाली कांग्रेस कोशी संसदीय दलका नेताले वैशाख २५ गतेसम्म संविधान अनुसार मुख्यमन्त्रीलाई विश्वासको मत लिने समय रहेको भन्दै उनले त्यसपछि कोशीको अन्योल हट्ने दाबी गरेका छन् ।

कांग्रेस लोकतान्त्रिक पार्टी भएकोले लोकतन्त्रका आधारभूत मान्यता विरुद्ध नउभिने उनको भनाई छ ।

उनले सरकार वैशाख २५ गतेसम्म टिकाउन प्रयास गर्ने तर्क समेत गरे ।

दलका प्रमुख सचेतक गोपाल तामाङले आज कोशी प्रदेशसभा सचिवालयमा पत्रकार भेटघाट कार्यक्रम उनले भने, ‘संविधानले दिएको अधिकारलाई प्रयोग गरेर गए पनि या राजनीतिक निर्णय गरेर गए पनि हामी मुख्यमन्त्री कार्कीलाई सहयोग गर्छौँ । २६ गतेपछि हामी एउटा ट्र्याकमा आउला भन्ने लाग्छ ।’

यसअघि बसेको दलको बहुमत सदस्यले मुख्यमन्त्रीले मार्गप्रसस्त गर्नुपर्छ भन्ने धारणा राखेको भए पनि दलको बैठकले सरकार बचाउनुपर्छ भनेर निर्णय गरेको तामाङको भनाइ छ ।