काठमाडौं- मुस्ताङस्थित एउटा रेस्टुरेन्टमा जुवाखाल जमाइरहेको अवस्थामा प्रहरीले १२ जनालाई पक्राउ गरेको छ ।

आइतबार राति घरपझोङ गाउँपालिका-२ मार्फास्थित फिरोज लालचनको माउन्ट भिल्ला एण्ड रेस्टुरेन्टबाट उनीहरूलाई साढे ८ लाख रूपैयाँसहित पक्राउ गरिएको हो ।

उनीहरूको साथबाट ८ लाख ५२ हजार ८०० नगद बरामद भएको छ । त्यसैगरि ८ बुक तास पनि बरामद भएको प्रहरीले जनाएको छ।

पक्राउ परेकाहरूलाई मंगलबार कार्यालय खुलेपछि म्याद थप गरेर अनुसन्धान अघि बढाइने जिल्ला प्रहरी कार्यालयका सूचना अधिकारी गणेश सुवेदीले बताएका छन् ।

को को पक्राउ परे ?
१. ५० वर्षीय सुरज लालचन

२. ५६ वर्षीय राजु लालचन

३. ५० वर्षीय जेम्स हिराचन

४. ५३ वर्षीय गुञ्ज हिराचन

५. ६० वर्षीय दलबहादुर हिराचन

६. ५० वर्षीय विश्व लालचन

७. ५९ वर्षीय आइत ज्वारचन

८. ३८ वर्षीय समिर ज्वारचन

९. ५० वर्षीय कविन ज्वारचन

१०. ६५ वर्षीय यामप्रसाद मगर

११. ४० वर्षीय सन्तोष लालचन

१२. ६० वर्षीय कमल हिराचन