काठमाडौं – सरकार विरोधी नारा लेखिएको टिसर्ट लगाएको अभियोगमा हङकङमा एक जना २७ वर्षीय युवालाई ७ वर्षको जेल सजाय सुनाइएको छ । हङकङको एउटा अदालतले २७ वर्षीय चु काइ पोङलाई ७ वर्षको सजाय सुनाएको हो ।

हङकङमा सन् २०२० मा लागू गरिएको विवादास्पद राष्ट्रियसुरक्षा कानुनअनुसार उनलाई यस्तो सजाय सुनाइएको हो ।राष्ट्रिय सुरक्षा कानुनले हङकङको कानुनी स्वायत्तताको उल्लङ्घन गरेको भन्दै आलोचना हुँदै आएको छ ।

उनले विदेशी शक्तिसँग साँठगाँठ गरेको खुल्न आए उनको जेल सजाय १० वर्ष पुग्न सक्ने भ्वाइस अफ अमेरिकाले जनाएको छ। चुलाई गत जुन महिनामा पक्राउ गरिएको थियो ।

त्यस बेला उनले ‘स्वतन्त्र हङकङ, हाम्रो समयको क्रान्ति’ लेखेको टिसर्टलगाएका थिए ।