काठमाडौं- जनकपुर बोल्ट्स र कर्णाली याक्सबीचको खेलपछि एक्कासि दर्शकहरू मैदानमा छिरेका छन् ।

मैदानभित्र दर्शकहरू छिरेर दौडिन थालेपछि आयोजकहरू पनि केही बेर अलमलमा पर्न पुगे ।

पहिलो दिन उद्घटन खेलमा पनि सुरक्षा व्यवस्थाको कमजोरी खुलेको थियो । पहिलो दिन दर्शक र सुरक्षाकर्मीबीच धकेलाधकेल हुँदा ७ जना घाइते भएका थिए ।

आज दोस्रो दिन पनि त्रिवि क्रिकेट मैदानमा आयोजकले सुरक्षा कमजोरी दोहोर्‍याएका हुन् ।

त्यही कमजोरीको फाइदा उठाउँदै दर्शकहरू खेलाडी भएसम्म दौडिएर पुगे। उनीहरूलाई हटाउन सुरक्षाकर्मीले मिहिनेत गर्नुपरेको थियो ।

खेल सकिए बाहिरिनुपर्नेमा दर्शकहरू मैदानभित्र छिरेपछि सुरक्षा व्यवस्थामा अर्को प्रश्न उठेको हो ।

तस्बिरहरू : नेपाल फोटो लाइब्रेरी