काठमाडौं- आज बिहान प्रधानमन्त्री पुष्पकमल दाहाल प्रचण्डसँग त्रिपक्षीय भेटवार्ता गरेका नेकपा एकीकृत समाजवादीका सम्मानित नेता एवम् पूर्वप्रधानमन्त्री झलनाथ खनाल र समाजवादी मोर्चाका संयोजक नेत्रविक्रम चन्द विप्लव सिबीच आजै साँझ फेरि भेटवार्ता भएको छ ।

डल्लुस्थित खनालनिवासमा दुई नेताबीच भेटवार्ता भएको हो । भेटवार्ताका क्रममा देशको वर्तमान अवस्था, कम्युनिस्ट एकतामा देखिएका समस्या र सम्भावना र अन्य समसामयिक राजनीतिक विषयमा कुराकानी भएको बुझिएको छ ।

आजै बिहान प्रधानमन्त्री प्रचण्डसँग बालुवाटारमा भेटवार्ता गरेका दुई नेताबीच भएको भेटवार्तालाई निकै अर्थपूर्ण ढंगले हेरिएको छ ।

पछिल्लो समय पूर्वप्रधानमन्त्री खनाल वामपन्थी एकताका पक्षमा खुल्ला बहस गर्दै आएका छन् । मुलुकमा पुनः वामपन्थी एकताको चर्चा चुलिएका बेला भएको भेटवार्तालाई निर्क चासोका साथ हेरिएको छ ।