रुपन्देही- नेकपा एमालेका उपाध्यक्ष विष्णु पौडेलले राष्ट्रियसभा निर्वाचनमा कोशी प्रदेशको नजिता स्वभाविक भएको बताएका छन् ।

राष्ट्रिय युवा संघ नेपाल रुपन्देही जिल्ला कमिटीले शुक्रबार तिलोत्तमामा आयोजना गरेको स्वर्गीय परमानन्द खरेल स्मृति खुल्ला फुटसल प्रतियोगिता उद्घाटन गर्दै पौडेलले कोशीमा एमाले ठूलो पार्टी भएको र अन्य सदस्यहरुले पनि मत दिएका कारण कोशीको एक सिटमा एमालेले विजयी हासिल गरेको भन्दै उक्त नजिता स्वभाविक भएको बताएका हुन् ।

कोशी प्रदेश प्रदेशमात्रै नभइ अन्य प्रदेशमा समेत एमालेको मतभार धेरै देखिएकाले जनता र जनप्रतिनिधिहरुमाझ पनि एमालेको जनाधार बढ्दै गएको उनले बताए ।

त्यस्तै उनले वर्तमान सरकार समाजका लागि बोझ बनिसकेकाले बर्हिगमन अहिलको आवश्यकता भएको धारणा राखे । पौडेलले सरकार परिवर्तनका लागि अहिले नै एमालेले कुनै प्रयास नगरेको र मिशन ८४ बाट एमालेलाई बहुमतका साथ सरकारमा पु¥याउने दाबी गरे ।

खुल्ला फुटसल प्रतियोगीता शनिबार समापन हुने आयोजकले जनाएको छ ।