काठमाडौँ– प्रतिनिधिसभा अन्तर्गत महिला तथा सामाजिक मामिला समितिको १७ औँ बैठक आज बस्दैछ । बैठक दिउँसो १ बजे सिंहदरबारमा बस्ने छ ।
आज बस्ने बैठकमा पर्सा र कास्की समूहको स्थलगत अनुगमन भ्रमणको समीक्षा तथा विविध विषयमा छलफल हुने कार्यसूची रहेको छ ।
यसैगरी शिक्षा, स्वास्थ्य तथा सूचना प्रविधि समितिको बैठक पनि आजै बस्दै छ । दिउँसो १ बजे बस्ने बैठकका लागि भूकम्प प्रभावित क्षेत्रका विद्यालयहरूको अवस्था र पुनर्निर्माण, शहीद दशरथ चन्द राष्ट्रिय स्वास्थ्य विज्ञान विश्वविद्यालय (गेटा) का सम्बन्धमा छलफल गर्ने कार्यसूची राखिएको छ ।
यस्तै, डडेलधुरा मेडिकल कलेजको सम्बन्धका साथै विविध विषयमा छलफल गर्ने तयारी छ ।
प्रतिक्रिया