काठमाडौं–दोलखाको गौरीशंकरमा ४८.२८ प्रतिशत मतदान भएको छ । यहाँका ९ वटा वडा मध्ये अधिकांश वडामा ५० प्रतिशत भन्दा कम मतदान भएको देखिन्छ ।

यहाँ जम्मा ७ हजार ५ सय ८९ मत खसेको आयोगको भनाइ छ । गौरीशंकरमा कुल १५ हजार ७१८ मतदाता थिए ।

१२ मतदान स्थलका २१ मतदान केन्द्रमा ७ हजार ५ सय ८९ मतदान भएको मुख्य निर्वाचन कार्यालय दोलखाका सूचना अधिकारी विशाल केसीले जानकारी दिए।

उपाध्यक्ष पदका लागि भएको निर्वाचनमा सात राजनीतिक दल र नौ स्वतन्त्र गरी १६ उम्मेदवार चुनावी प्रतिस्पर्धामा गरेका थिए ।

०७९ को स्थानीय तह निर्वाचनमा कांग्रेसको तर्फबाट गाउँपालिका उपाध्यक्ष पदमा निर्वाचित श्यामसुन्दर तामाङको हृदयाघातका कारण गत वर्ष निधन भएपछि उक्त पदमा आइतबार मतदान भएको हो ।