काठमाडौं- आइतबार दिउँसो काठमाडौंमा भएको एउटा सानो प्रदर्शनका कारण सवारी व्यवस्थापन अस्तव्यस्त भएको छ।
बाँकेकी निर्मला कुर्मी प्रकरणमा संलग्न भएका भनिएका नेपाली कांग्रेसका प्रदेश सांसद एवम् लुम्बिनी प्रदेशका मन्त्री बादशाह कुर्मीलाई कारबाही माग गर्दै प्रदर्शन गरिँदा काठमाडौंको सवारी व्यवस्थापन अस्तव्यस्त भएको हो ।
प्रदर्शनकारीहरू माइतीघरमण्डलदेखि बालुवाटारसम्म मार्चपासमा निस्किँदा त्यस रुटको सवारी व्यवस्थापनमा समस्या हुँदा घण्टौँँ जाम भएको हो ।
सुन्धारा–रत्नपार्क–भद्रकाली–पुतली सडकलगायत काठमाडौंका प्रमुख स्थानको सवारीसाधन आइतबार अस्तव्यस्त बनेको हो ।
आइतबार नै सहकारी पीडितसमेत सडकमा उत्रिँदा काठमाडौंमा चर्को जाम भएको हो । सहकारी पीडितहरूले पनि लामो समयदेखि आन्दोलन गर्दै आएका छन् ।
प्रतिक्रिया