काठमाडौं– भारतका राष्ट्रिय सुरक्षा सल्लाहकार अजित डोभाल र रुसका राष्ट्रिय सुरक्षा सल्लाहकार निकोलाई पेत्रुशेव बीच भेटवार्ता भएको छ ।

रुसको सेन्ट पीटर्सबर्गमा भएको सुरक्षा मामिला सम्बन्धी जिम्मेवार उच्चाधिकारीहरुको १२औँ अन्तर्राष्ट्रि बैठकका अवसरमा उनीहरुबीच भेटवार्ता भएको हो ।

भेटका क्रममा उनीहरुबीच द्विपक्षीय सहयोगको प्रगति समीक्षाका साथै आपसी हितका विषयमा विचार विमर्श भएको छ ।

भारतीय राष्ट्रिय सुरक्षा सल्लाहकार डोभालले रुसको मस्कोस्थित क्रोकस सिटी हलमा मार्च २२ मा भएको आतंकवादी हमलाको निन्दा गरे । उनले खतरासँग जुध्न र दोहोरो मापदण्डबाट जोगिन आह्वान समेत गरे ।

यसै महिनाको सुरुमा काजकस्तानको अस्तानामा भएको संघाई सहयोग संगठनका सदस्य देशहरुको सुरक्षा परिषद सचिवालयको बैठकमा पनि पेत्रुवेशसँग डोभालको भेट भएको थियो ।