नयाँ दिल्ली – अन्तर्राष्ट्रिय क्रिकेट काउन्सिल (आईसीसी) ले हाल दुईवटा ढाँचाको विश्वकप आयोजना गर्छ । एकदिवसीय विश्वकप पुरानो हो भने टी—२० विश्वकप नयाँ हो ।

एकदिवसीय विश्वकप पनि पहिले ६० ओभरको खेलाइन्थ्यो । चौथो विश्वकपदेखि मात्र ५० ओभरको प्रचलन सुरु भएको हो । विश्व क्रिकेटको इतिहासमा हालसम्म भारतले मात्र ६० ओभर, ५० ओभर र २० ओभरको विश्वकप जित्ने कीर्तिमान बनाउन सकेको छ ।

भारतले सन् १९८३ मा पहिलो पटक एकदिवसीय विश्वकप जितेको थियो । त्यतिबेला एकदिवसीय विश्वकप ६० ओभरको खेलाइन्थ्यो ।

त्यसपछि भारतले सन् २०११ मा दोस्रो पटक एकदिवसीय विश्वकप जित्यो । त्यतिबेलासम्म एकदिवसीय विश्वकप ५० ओभरमा खेलाउन सुरु भइसकेको थियो ।

यसका अतिरिक्त भारतले सन् २००७ मा आईसीसी टी—२० विश्वकपको उपाधि पनि चुमेको थियो । यसरी भारत ६० ओभर, ५० ओभर र २० ओभरको ढाँचामा खेलाइएको विश्वकप जित्ने एकमात्र राष्ट्र बन्न पुगेको हो ।

स्रोत : एएनआई