काठमाडौँ- राष्ट्रिय बीमा कम्पनीले साधारण सभा आह्वान गरेको छ । कम्पनीले जेठ ३१ गते विहान ११ बजेबाट साधारण सभा सुरु हुने जनाएको छ । साधारण सभामा साविकको राष्ट्रिय बिमा संस्थानको आर्थिक वर्ष २०६८–०६९, २०६९–०७० र २०७०–०७१ र निर्जीवन बीमा विभागको आर्थिक वर्ष २०७०–०७१, २०७१–०७२ र २०७२–०७३ को वार्षिक प्रतिवेदन उपर छलफल गर्ने एजेन्डा रहेको छ । 

यसपटक पनि कम्पनीले लाभांश वितरण नगर्ने भएको छ । जसका कारण लगानीकर्ताको हात रित्तै हुने भएको छ । सभामा उल्लेखित आर्थिक वर्षको प्रतिवेदन र सोही आर्थिक वर्षहरूको वासलात तथा नाफा नोक्सान सम्बन्धी प्रस्तावहरू पनि पेश गरिँदैछ । 

सर्वसाधारण सेयरधनीबाट १ जना सञ्चालकको निर्वाचन गर्ने एजेन्डा पनि रहेको छ । साधारण सभा प्रयोजनको लागि कम्पनीले जेठ १६ गते बुक क्लोज गर्नेछ । सो मितिभन्दा अघिसम्म कायम रहेका सेयरधनीले मात्र सभामा भाग लिन सक्नेछन् ।