काठमाडौँ- युवा तथा महिला उद्यमीका लागि राष्ट्रव्यापी सूचना प्रविधि तालिम आइतबारबाट काठमाडौंमा सुरु भएको छ ।

नेपाल चेम्बर अफ कमर्श, महिला चेम्बरको आयोजनामा लर्ड बुद्ध एजुकेशन फाउण्डेशनको सहकार्यमा युवा तथा महिला उद्यमीका लागि राष्ट्रव्यापी सूचना प्रविधि तालिम सुरु भएको हो ।

कार्यक्रममा नेपाल चेम्बर अफ कमर्शका अध्यक्ष राजेन्द्र मल्लले महिला तथा युवाहरुले सूचना प्रविधिको तालिम पाए रोजगारी सिर्जनाका लागि सहयोग पुग्ने बताए । उनले तालिमपछि विभिन्न निकायसँग समन्वय गरेर रोजगारीको व्यवस्था पनि गरिने बताए ।

त्यस्तै महिला चेम्बरकी सचिव लिमा अधिकारीले तालिमका अवधिमा सैद्धान्तिकका साथै व्यवहारिक ज्ञान दिइने बताइन् ।

राष्ट्रव्यापी सूचना प्रविधि तालिम दुई दिनसम्म चल्ने महिला चेम्बरले जनाएको छ ।