काठमाडौँ– फ्रेन्च लिग वान फुटबलमा नाइसले जित निकालेको छ । गएराति भएको खेलमा सेलेरमोन्टलाई १–० गोलले हराउँदै नाइस विजयी भएको हो ।
नाइसका हेचेमले एक गोल गरेका थिए । खेलको ७४औँ मिनेटमा उनले गरेको गोल नाइसको जितका लागि निर्णायक भएको थियो ।
यो जितसँगै नाइस मोनाकोलाई पछि पार्दै शीर्ष स्थानमा उक्लिएको छ । नाइसले १० खेलबाट २२ अंक बनाएको छ ।
यस्तै, दोस्रो स्थानमा रहेको मोनाकोको ९ खेलबाट २० अंक छ भने समान खेल खेलेको पीएसजी १८ अंकका साथ तेस्रो स्थानमा छ ।
नाइससँग पराजित भएको सेलेरमोन्ट भने पुछारबाट दोस्रो स्थानमा छ ।
प्रतिक्रिया