काठमाडौँ– युरोपेली च्याम्पियन्स लिगको साविक विजेता म्यानचेस्टर सिटीले समूह चरणमा लगातार तेस्रो जित दर्ता गरेको छ ।
गएराति भएको खेलमा समूह ‘जी’मा रहेको सिटीले योङ ब्वाइजलाई ३–१ गोल अन्तरले हराउँदै सहज जित निकालेको हो ।
सिटीको जितमा एर्लिङ हालान्डले दुई तथा म्यानुअल आकान्जीले एक गोल गरेका थिए । योङ ब्वाइजका मेससाक एलियाले एक गोल फर्काएका थिए ।
जारी लिगमा ३ खेलबाट ९ अंक जोडेको सिटी समूहको शीर्षस्थानमा छ । ६ अंक जोडेको आरबी लाइपजिग दोस्रो स्थानमा रहँदा एक–एक अंक भएका कार्भेना र योङ ब्वाइज क्रमशः तेस्रो र चौथा स्थानमा छन् ।
प्रतिक्रिया