काठमाडौँ– स्वास्थ्य तथा जनसङ्ख्यामन्त्री मोहनबहादुर बस्नेतले अविरल वर्षाका कारण सिन्धुपाल्चोकको हेलम्बु, मेलम्ची क्षेत्रमा गएको बाढीले पुगेको क्षति निरीक्षण गरेका छन् ।

बाढीले पुगेको क्षति र जनताको अवस्था बुझ्नका लागि मन्त्री बस्नेतले सिन्धुपाल्चोकको बाढी प्रभावित क्षेत्रको निरीक्षण गरेका हुन् । सो क्रममा उनले हेलम्वुको ग्यालथुममा रहेको श्री सरस्वती माध्यमिक विद्यालयका भौतिक संरचनाहरूमा क्षति पुगेको थप क्षति हुन नदिन काम भइरहेको बताए । 

चनौटे बेलिब्रिज, मेलम्ची बेलिब्रिज लगायत केही घरहरूमा बाढीले निरन्तर पुर्‍याएको असर तथा प्राकृतिक विपत्तिका बारेमा जानकारी लिँदै यसबाट परेको समस्या समाधान गर्ने जनाए ।

उनले कांग्रेसका स्थानीय नेता कार्यकर्ताहरूलाई पनि बाढी प्रभावित जनताको राहत र उद्धारका काम गर्न निर्देशन दिए ।