नयाँ दिल्ली- भारतको गुजरात राज्य सरकार र विभिन्न कम्पनीबीच १८ अर्ब ७५ करोड अमेरिकी डलर बराबरको लगानी सम्झौता भएको छ ।
सरकारले जारी गरेको विज्ञप्तिअनुसार ती कम्पनीहरुले गुजरातको हरित ऊर्जा, सहरी विकास तथा आवास, कृषि, ग्रामीण विकासजस्ता क्षेत्रमा लगानी गर्नेछन् ।
अन्तर्राष्ट्रिय समाचार संस्था रोयटर्सका अनुसार केही समयअघि गुजरात सरकारले स्टिल उत्पादक कम्पनी एर्सेलोरमित्तल निप्पोन स्टिल इण्डियासँग १ खर्ब २५ अर्ब भारतीय रुपैयाँ बराबरको सम्झौता गरेको थियो ।
त्यसबाहेक भारतीय कम्पनी एसरले पनि ऊर्जा रुपान्तरण एवम् बन्दरगाह क्षेत्रमा ५ खर्ब ५० अर्ब भारु लगानी गर्ने घोषणा गरेको थियो ।
प्रतिक्रिया