काठमाडौँ– विराट कोहलीको अर्को शानदार इनिङ्सका कारण भारतले विश्वकपमा लगातार पाँचौं जित दर्ता गरेको छ ।

आइतबार भएको खेलमा भारतले न्युजिल्याण्डलाई ४ विकेटले पराजित गरेको हो । लक्ष्य पछ्याउने क्रममा विराट कोहलीले ९५ रनको इनिङ खेले ।यस खेलमा विराटलाई समर्थन गर्न अनुष्का शर्मा स्टेडियममा थिइनन् ।

तर, उनले सामाजिक सञ्जालमा खुसी व्यक्त गरेकी छिन् । विराटको यो म्याच जिताउने इनिङ्समा अनुष्काले गर्व महसुस गरिरहेको बताएकी छिन् । उल्लेखनीय छ कि विराटको यो इनिङका कारण भारतले २० वर्षपछि आईसीसी प्रतियोगितामा न्युजिल्याण्डलाई हराएको हो ।

अनुष्काले पति विराटका लागि ‘स्टर्म चेजर’ शब्द प्रयोग गरेकी छिन् । यसको मतलब एक व्यक्तिले ठूलो आँधीबेहरीलाई पछ्याउँदै आफ्नो लक्ष्य प्राप्त गर्दछ। यो विराटको लागि पनि सत्य हो किनभने एक समय टीम इन्डियाको अवस्था बिग्रिएको थियो। राम्रो सुरुआत गरे पनि एक छेउमा लगातार विकेट पतन भइरहेको थियो ।विराट एक छेउमा उभिए र अन्तिमसम्म लडे र टोलीलाई जित दिलाए। अनुष्काले एक नभई तीनवटा स्टोरी सेयर गरेकी छन् ।

अनुष्का शर्मा विराटलाई चियर गर्न स्टेडियम पुगिरहेकी छिन् । यद्यपि उनी यस खेलमा उपस्थित थिएनन्। यसपटक उनी घरबाट खेल हेर्दै थिइन् । उनी पाकिस्तानविरुद्धको खेलका लागि भने रंगशाला पुगेकी थिइन् । अनुष्का र भारतका कप्तान रोहित शर्माकी पत्नी ऋतिका सजदेह सँगै बसेका थिए ।