काठमाडौँ- कैलालीको टीकापुर घटनाको सम्झनामा थारु कल्याणकारीणी सभा, थरुहट थारुवान संयुक्त संघर्ष समितिलगायतका संस्थाहरुले विद्रोह सभा गरेका छन् ।

२०७२ भदौ ७ गते थरुहट आन्दोलनकारी र प्रहरीबीच कैलालीको टीकापुरमा भएको घटनाको स्मरणमा उनीहरुले विद्रोह सभा गरेका हुन् ।

विद्रोह सभामा सहभागीहरुले टीकापुर घटनाका झूठा मुद्दा फिर्ता गर्नुपर्ने, निर्दोष राजबन्दीहरुलाई रिहाई गर्नुपर्ने, देविराम शर्मा र लाल आयोगको प्रतिवेदन सार्वजनिक गर्नुपर्ने, संवैधानिक व्यवस्थाअनुसार थारु क्लस्टरसहितको संघीय निजामती सेवा विधेयक पारित गर्नुपर्नेलगायतका माग राखेका थिए ।

टीकापुर घटनाको सम्झनामा थारुहरूले हरेक वर्ष विद्रोह दिवस मनाउँदै आएका छन् ।