काठमाडौं– जिल्ला कारागार कैलालीमा अनुगमन गर्न गएका प्रहरीमाथि नै कैदीबन्दीले आक्रमणकाे प्रयास गरेका छन् ।
शुक्रबार दिउँसो कारागार अनुगमनका लागि जिल्ला प्रहरी कार्यालयबाट खटिएको प्रहरी टोलीमाथि कैदीबन्दीहरूले आक्रमणकाे प्रयास गरेका हुन् ।
अनुगमनका क्रममा कैदीबन्दीको आक्रमणबाट जिल्ला प्रहरी कार्यालयमा कार्यरत प्रहरी सहायक निरीक्षक(असई) भूपेन्द्र सामन्त घाइते भएका छन् । उनको टाउकोमा सामान्य चोट लागेको प्रहरीले जनाएको छ ।
कैलाली कारागारमा मदिरा र लागूऔषधको कारोबार तथा सेवन हुने गरेको गुनासो बढेपछि कारागार व्यवस्था विभागको टोलीसहित जिल्ला प्रहरीको टोली अनुगमनमा गएको थियो ।
प्रतिक्रिया