काठमाडौँ- भारतका केन्द्रीय संस्कृति राज्यमन्त्री अर्जुनराम मेघवालले गौतम बुद्धका विचार आज पनि सान्दर्भिक रहेको टिप्पणी गरेका छन् । विश्व बौद्ध सम्मेलनलाई सम्बोधन गर्दै राज्यमन्त्री मेघवालले बुद्धका विचार शिक्षा शान्ति र अहिंसामा आधारित रहेको बताए ।

राज्यमन्त्री मेघवालले अहिंसा र शान्तिमा आधारित बौद्ध दर्शन भारतीय दर्शनसँग मेल खाने पनि उल्लेख गरे ।

उनले गौतम बुद्धका विचार आज पनि सान्दर्भिक रहेको उल्लेख गर्दै उनले बौद्ध दर्शनका माध्यमबाट विश्वमा व्याप्त अशान्ति पनि मेटाउन सकिने धारणा राखे ।

उनले केही मुलुकहरु कट्टरतामा विश्वास राख्ने गरेको बताउँदै त्यो सही नभएको उल्लेख गरे ।

भारतमा आोजित उक्त सम्मेलनमा बौद्ध धर्म मान्ने करिब ३० देशका १ सय ७० प्रतिनिधिको उपस्थिती थियो ।