काठमाडौँ- भारतको राजधानीसमेत रहेको दिल्ली महानगरको नयाँ मेयरमा आम आदमी पार्टीकी उम्मेदवार डा. शेली ओबरोय निर्वाचित भएकी छिन् ।
नगर निगमको निर्वाचनमा ओबरोयले १५० मत प्राप्त गर्दा भारतीय जनता पार्टी भाजपाकी उम्मेदवार रेखा गुप्ताले ११६ मत पाइन् ।
ओबरोयको जीतसँगै दिल्ली नगर निगमबाट १५ वर्षपछि भारतीय जनता पार्टी बाहिरिएको छ ।
दिल्लीका मुख्यमन्त्री अरविन्द केजरीवालले ओबरोयलाई चुनाव जितेकोमा बधाइ दिएका छन् । अरविन्द केजरीवालले ट्विटरमा लेखेका छन्, ‘आज दिल्लीको नगर निगममा दिल्लीका जनताको जित भयो, गुन्डागर्दी पराजित भयो ।’
उनले ओबरोय मेयरमा निर्वाचित भएकोमा दिल्लीका जनतालाई पनि बधाइ समेत दिएका छन ।
प्रतिक्रिया