एजेन्सी – आइसिसी एकदिवशीय विश्‍वकप क्रिकेटमा श्रीलंकाले पहिलो जित दर्ता गरेको छ । शनिबार लखनउ स्टेडियममा भएको खेलमा नेदरल्यान्ड‍्सलाई पाँच विकेटले पराजित गर्दै श्रीलंकाले पहिलो जित निकालेको हो ।

२ सय ६२ रन २६३ रनको लक्ष्यसहित जवाफी ब्याटिङमा उत्रिएको श्रीलंकाले ४८.२ ओभरमा ५ विकेट गुमाएर पुरा गर्‍यो। उसका लागि पथुम निसान्काले ५४ रनको अर्धशतकीय इनिङ खेल्दा सदीरा समरविक्रमाले ९१ रनको अविजित इनिङ खेले।

त्यस्तै चरिथा असलन्काले ४४ रनको इनिङ खेल्दा धन्नजय डि सिल्भाले ३० रन बनाएका थिए। कुशल मेन्डीसले ११ रन बनाए। नेदरल्यान्ड्सका लागि आर्यन दत र पउल भान मिकेरेन र कोलिन अकरमनले समान १(१ विकेट लिए।

त्यसअघि नेदरल्यान्ड्सले टस जितेर पहिले ब्याटिङ गर्दै ४९४ ओभरमा २ सय ६२ रन बनाएको थियो। नेदरल्यान्ड्सका लागि सुब्रन्ड इनजेलबरेचले ७० रन बनाउँदा लोगन भान बेकले ५९ रन बनाएका थिए।

उनीहरुले सातौं विकेटका लागि १ सय ३० रनको साझेदारी गरेका थिए। सातौं विकेटकलागि यो नेदरल्यान्ड्सको यो सर्वाधिक उच्च साझेदारी हो।