काठमाडौँ– एसीसी यू–१९ प्रिमियर कप क्रिकेटको सेमिफाइनलमा अहिले नेपाल र जापानबीच प्रतिस्पर्धा भइरहेको छ । 

मलेसियाको बायोमास ओभलमा जारी खेलमा जापानले टस जितेर फिल्डिङ रोजेपछि नेपालले पहिले ब्याटिङ गरिरहेको छ ।

नेपाल समूह ‘ए’ को विजेता बन्दै सेमिफाइनल पुगेको हो भने जापान समूह ‘डी’ को विजेता बन्दै अन्तिम चारमा पुगेको हो ।

नेपाल सेमिफाइनलमा जित निकाल्दै यू–१९ एसिया कपमा छनोट हुने लक्ष्यमा रहेको छ । जापान पनि नेपाललाई स्तब्ध बनाएर उपाधि नजिक पुग्न चाहन्छ ।अर्को सेमिफाइनलमा आजै यूएई र सिंगापुर भिड्नेछन् ।  

फाइनल खेल मंगलबार हुनेछ । फाइनल पुग्ने दुई र तेस्रो स्थानमा रहने एक गरी तीन टोलीले आगमी डिसेम्बरमा हुने एसिया कप खेल्न पाउनेछन् । तेस्रो स्थानका लागि सेमिफाइनलमा पराजित हुने टोली भिड्नेछन् ।