काठमाडौँ– युरोकप २०२४ छनोटमा फ्रान्सले कीर्तिमानी जित निकालेको छ । गएराति भएको समूह ‘बी’ अन्तर्गतको खेलमा जिब्राल्टरलाई १४ गोल अन्तरले हराउँदै फ्रान्सले कीर्तिमान बनाएको हो । यो युरो छनोटकै सर्वाधिक फराकिलो अन्तर हो ।

फ्रान्सको फुटबल इतिहासमा यो सबैभन्दा ठूलो अन्तरको जित हो । फ्रान्सले समूह बी बाट यसअघि नै युरोकपमा स्थान पक्का गरिसकेको छ ।

फ्रान्सका लागि केलिएन एमबाप्पेले ह्याट्रिक गरेका थिए भने ओलिभर जिरुड र किंग्सले कोम्यानले दुईदुई गोल गरे । यस्तै, जोनाथन क्यालस, एड्रिएन राबोट, वारेन एमेरे, मार्कस थुराम, युसुफ फोफाना र ओस्मान डेम्बेले एक–एक गोल थपेका थिए । एक गोल भने आत्मघाती स्वरुप प्राप्त भएको थियो ।

अर्को वर्ष जर्मनीमा हुने युरोकपमा स्थान बनाइसकेको फ्रान्स ७ खेलबाट २१ अङ्कसहित शीर्षस्थानमा छ । पराजित भएको जिब्राल्टर भने अंकविहीन छ ।