नयाँ दिल्ली- भारतको पूर्वोत्तर राज्य मिजोरममा उत्पादन हुने वाइन अब राज्यबाहिर पनि बिक्री हुने भएको छ । मिजोरममा उत्पादन हुने इसाबेल्ला वाइनलाई राज्यबाहिर पनि बिक्री गर्ने विषयमा स्थानीय वाइन उत्पादक र दिल्लीमा आधारित वितरक कम्पनीबीच समझदारीपत्रमा हस्ताक्षर भएको छ ।

ह्नाह्लान अङ्गुर खेती एवम् प्रशोधन सहकारी संस्था र आरआर सेल्सबीच इसाबेल्ला वाइनको बिक्री एवम् वितरणका गर्ने विषयमा समझदारीपत्रमा हस्ताक्षर भएको हो ।

दुई लाख लिटर वाइन बिक्री गर्ने ह्नाह्लान सहकारीको लक्ष्य छ । सोही लक्ष्यअनुरुप राज्यबाहिर बिक्रीका लागि समझदारीपत्रमा हस्ताक्षर भएको इस्ट मोजोले उल्लेख गरेको छ ।

हालै मिजोरमको सरकारले राज्यका अङ्गुर किसानलाई सहायता प्रदान गर्न स्टेट इकोनोमिक डेभलपमेन्ट प्रोग्राम र फोस्टरिङ क्लाइमेछ रेजिलियन्ट अपल्याण्ड फार्मिङ सिस्टम (फोकस) कार्यक्रम सञ्चालनमा ल्याएको छ ।