काठमाडौँ– वैदेशिक रोजगारीका लागि कुवेत र जोर्डन प्रस्थान गर्न लागेका कामदारहरूको प्रस्थान अनुमतिमा लगाइएको रोकप्रति राष्ट्रिय मानवअधिकार आयोगले ध्यानाकर्षण गरेको छ ।  

आयोगले एक विज्ञप्ति जारी गर्दै त्रिभुवन अन्तर्राष्ट्रिय विमानस्थलस्थित अध्यागमन कार्यालयले १५६ जना कामदारहरूलाई रोकेको घटनाप्रति आफ्नो गम्भीर ध्यानाकर्षण भएको जनाएको हो । 

आकस्मिक रोकेको घटनाका विषयमा जिम्मेवार निकायहरूबीच सार्वजनिक रूपमै आरोप प्रत्यारोप भएको अवस्थाले ती निकायहरू श्रमिकहरूको अधिकारप्रति संवेदनशील हुन नसकेको आयोगले जनाएको छ। 

आयोगले वैदेशिक रोजगारीमा जाने क्रममा अध्यागमन कार्यालयबाट रोक लगाई फर्काइएका  कामदारहरूको आर्थिक क्षतिको आकलन गरी क्षतिपूर्तिको व्यवस्था गर्न आयोगले सरकारलाई आग्रह समेत गरेको छ।