काठमाडौं– स्याङजाको वालिङमा फुटबल प्रतियोगिता चलिरहेको मैदानमा हेलिकप्टर अवतरण गरिएको छ । वालिङ गोल्डकप फुटबल प्रतियोगिताको दोस्रो सेमिफाइनल खेल चलिरहेको बेला मैदानमै हेलिकप्टर अवतरण भएपछि झडप भएको थियो ।

प्रभु कम्पनीको हेलिकप्टर खेल मैदानमा अवतरण भएसँगै आक्रोशित भएका स्थानीय, आयोजक र दर्शकले पाइलट र हेलिकप्टरका यात्रुलाई हातपात गरेका छन् । पोखराबाट चार्टर गरेर लगिएको हेलिकोप्टर ल्यान्ड गरेपछि आक्रोशित युवाले क्याप्टेन डङ्गोललाई हातपात गरेका हुन्। 

वालिङ नगरपालिका–९ का विनोद गैरे, खिमबहादुर थापा, सुशील गिरी, सुशील थापाले उक्त हेलिकोप्टर चार्टर गरेर वालिङ लगेका थिए।हेलिकोप्टर ल्यान्ड गर्दा मैदानका खेलाडीहरू भागेकाले दुर्घटना हुनबाट भने जोगिएको छ। पाइलट डङ्गोलले भने यात्रुले दबाब दिएर बाध्य भएर खेल मैदानमै हेलिकोप्टर अवतरण गरेको बताएका छन्।