काठमाडौं – नेपाली सेनाले आज सेना दिवस मनाउँदै छ। नेपाली सेना गठन गरेको उपलक्ष्यमा हरेक वर्ष महाशिवरात्रीका दिन सेना दिवस मनाउन लागिएको हो।

सो क्रममा सैनिक मञ्चमा विशेष कार्यक्रमका साथ सेनाले सेना दिवस मनाइन्छ। सो क्रममा सैनिक मञ्चमा झाँकी, घोडा दौड, सैनिक परेड, हतियारले सुसज्जित सबारीदेखि हेलिकोप्टरबाट पुष्पबृष्टी पनि गरिने्छ।

जहाँ राष्ट्रपति विद्यादेवी भण्डारीको समुपस्थितिमा सैनिक मञ्च टुंडिखेलमा बिहान ११ बजे विशेष प्रदर्शन गरिनेछ। जहाँ राष्ट्रपति, उपराष्ट्रपति, प्रधानमन्त्री, प्रधानन्याधीश, सभामुख, उपप्रधानमन्त्री, मन्त्री, संवैधानिक निकायका प्रमुख र सदस्य तथा सरकारका उच्चअधिकारीको उपस्थिति रहनेछन्।

नेपाली सेनाको २६० औं दिवसलाई अझ भव्य रुपमा मनाउन भारतीय सेनाका पूर्व प्रमुखलाई पनि निमन्त्रणा गरिएको छ। जो पहिलो पटक नेपाल आमन्त्रण गरिएको हो।