काठमाडौँ– स्पेनिस ला लिगा फुटबलमा बार्सिलोना र भ्यालेन्सियाले बराबरी खेलेका छन् । शनिबार राति भएको खेलमा दुवै टोलीले १–१ गोल गर्दै अंक बाँडेका छन् ।
बार्सिलोनाका जाआओ फेलिक्स र भ्यालेन्सियाका ह्युगो गुइलामोनले एक–एक गोल गरेका थिए । खेलको ५५औँ मिनेटमा फेलिक्सको गोलमार्फत बार्सिलोनाले अग्रता लिएको थियो । तर सो अग्रता जोगाउन नसक्दा बार्सिलोना अंक बाँड्न बाध्य भयो ।
त्यसपछि खेलको ७०औँ मिनेटमा भ्यालेन्सियाका गुइलामोनले एक गोल गर्दै टोलीलाई हारबाट जोगाए ।
यो बराबरीसँगै बार्सिलोना १७ खेलबाट ३५ अंक जोड्दै तालिकाको तेस्रो स्थानमा छ । भ्यालेन्सिया २० अंकसहित १०औँ स्थानमा छ ।
प्रतिक्रिया