काठमाडौँ– यूईएफए युरोकप छनोट फुटबलमा स्पेनले सहज जित निकालेको छ । गएराति भएको खेलमा साइप्रसलाई ३–१ गोल अन्तरले हराउँदै स्पेन विजयी भएको हो ।
स्पेनका लागि १६ वर्षीय खेलाडी लामिन यमल, माइकल ओर्यजाबाल र जोसेलुले एक–एक गोल गरेका थिए । यस्तै, साइप्रसका कोस्टास पिलेसले एक गोल फर्काए ।
स्पेनका लागि खेलेका बार्सिलोनाका १६ वर्षीय युवा स्ट्राइकर यमलले सेप्टेम्बरमा जर्जियाविरुद्ध गोल गर्दै कम उमेरमा गोल गर्ने खेलाडी बनेका थिए ।
यो जितसँगै स्पेन ७ खेलबाट १८ अंकका साथ समूह ‘ए’ को शीर्षस्थानमा छ । पराजित भएको साइप्रस पाँचौँ स्थानमा छ । यस्तै, स्कटल्याण्ड १६ अंकसहित दोस्रो तथा १० अंक भएको नर्वे तेस्रो स्थानमा छ ।
प्रतिक्रिया