टेक्सास– अमेरिकामा भीषण आँधीका कारण ३ जनाको मृत्यु भएको छ ।
अमेरिकाको टेक्सास राज्यको पेरीटन प्यानह्यान्डल सहरमा आएको भीषण आँधीमा परेर तीनजनाको मृत्यु हुनुका साथै दर्जनौँ घाइते भएको स्थानीय प्रहरीले जनाएको छ । प्रहरीका अनुसार सयौँलाई सुरक्षित स्थानमा स्थानान्तरण गरिएको छ ।
आँधीका कारण सो क्षेत्रमा व्यापक क्षति भएको छ भने धेरै सम्पत्ति नष्ट भएको अनुमान गरिएको छ । त्यसबारेमा छानबिन भइरहेको स्थानीय अधिकारीले जानकारी दिएका छन् ।
प्राइटन फायर चीफ पॉल डचरले अहिलेसम्म ३० वटा ट्रेलरमा क्षति पुगेको बताए । धेरै ठाउँमा रूखहरू ढलेका छन् । ओक्लाहोमा र टेक्सासमा करिब ५० हजार मानिस विद्युतविहीन भएका छन् ।
प्रतिक्रिया