काठमाडौँ- पाकिस्तानको खैबर पख्तुनख्वा प्रान्तमा निःशुल्क खाद्यान्न वितरणमा अनियमितता भएको भन्दै स्थानीयहरुले प्रदर्शन गरेका छन् । पाकिस्तानको खैबर पख्तुनख्वा प्रान्तको बजौर क्षेत्रमा खाद्यान्न वितरणमा अनियमितता भएको भन्दै प्रदर्शन गरेका हुन् ।

पाकिस्तानमा चरम आर्थिक संकटमा फसिरहेका बेला सरकारले निशुल्क वितरण गर्ने पिठोमा अनियमिता भएको भन्दै प्रदर्शनको आयोजना गरिएको हो ।

पाकिस्तानबाट प्रकाशित हुने डन अखबारका अनुसार प्रदर्शनमा जमात उलेमा ए इस्लाम (फजल), खार तहसिल, पाकिस्तान पिपुल्स पार्टी, जमात ए इस्लामीलगायत संगठनका प्रतिनिधिको सहभागिता थियो ।

उनीहरुले नाराबाजी गर्दै खाद्यान्न वितरणमा भएको भ्रष्टाचारबारे अनुसन्धान गर्न सरकारसँग माग गरेको डनले जनाएको छ ।