काठमाडौं । इंग्लिस प्रिमियर लिग फुटबलमा चेल्सी ब्राइटनसँग पराजित भएको छ । शनिबार भएको खेलमा चेल्सीलाई ब्राइटनले २–१ गोल अन्तरले हराएको हो ।
घरेलु मैदानमा सुरुआती अग्रता जोगाउन नसक्दा चेल्सी पराजित भएको हो ।खेलको १३ औं मिनेटमा कोनर गल्लाघेरले गोल गर्दै चेल्सीलाई सुरुआती अग्रता दिलाएका थिए ।
तर, खेलको ४२ औं मिनेटमा ड्यानी वेलब्याकले गोल गर्दै ब्राइटनलाई १–१ गोलको बराबरीमा ल्याए ।
त्यसपछि खेलको ६९ औं मिनेटमा जुलिओ एन्सिसोले गोल गर्दै ब्राइटनलाई २–१ को जित दिलाए ।
जितसँगै २९ खेलमा ४९ अंक जोडेको ब्राइटन सातौं स्थानमा रहेको छ । भने चेल्सी ३१ खेलमा ३९ अंक जोडेर ११ औं स्थानमा छ ।
प्रतिक्रिया