काठमाडौँ- राष्ट्रपति विद्यादेवी भण्डारीले सुनसरीमा रहेका धार्मिकस्थलको दर्शन गरेकी छिन् ।
मकर सङ्क्रान्तिको अवसर पारेर नेपाली सेनाको हेलिकप्टरबाट आएकी राष्ट्रपतिले धार्मिक स्थल बराहक्षेत्र मन्दिर दर्शन गर्दै सप्तकोसी र कोकाह कौशिकी खोलाको सङ्गमस्थलमा स्नान गरेकी हुन् ।
उनले बराहक्षेत्र भित्रका विभिन्न मठमन्दिर प्रवेश गर्दै दर्शन गरेकी थिइन् । बराहक्षेत्र मन्दिरमा एक घण्टा बिताएकी राष्ट्रपति भण्डारीले तिर्थालू तथा भक्तजनसँग पनि भेट गरेकी थिइन ।
त्यस लगतै उनी धरानमा रहेका बुढासुब्बा, दन्तकाली र पिण्डेश्वर मन्दिरको दर्शन गरेकी थिइन् ।
प्रतिक्रिया