मस्को– रुस र युक्रेनबीच डेढ वर्षदेखि चलिरहेको भीषण युद्ध अझै रोकिएको छैन ।

यसैबीच समाचार एजेन्सी तासले रुसी रक्षा मन्त्रालयलाई उद्धृत गर्दै आफ्नो वायु रक्षा प्रणालीले युक्रेनको एस २०० मिसाइल पत्ता लगाएर रोकेको बताएको छ।

रक्षा मन्त्रालयले भन्यो, ‘अगस्ट १२ मा बिहान करिब १ः०० बजे किभ शासनले एस २०० सतह टु एयर निर्देशित हतियारको साथ क्रिमियन पुलमा आतंकवादी हमला गर्ने प्रयास गरेको थियो। युक्रेनी मिसाइल तुरुन्तै पत्ता लगाइएको थियो र रुसको वायु रक्षा प्रणालीले बीचको हावामा रोकेको थियो।’ घटनामा कुनै मानवीय वा क्षति नभएको मन्त्रालयले जनाएको छ ।

यसअघि क्रिमियाका गभर्नर सर्गेई अक्स्योनोभले आफ्नो टेलिग्राम च्यानलमा दुई युक्रेनी क्षेप्यास्त्रहरू केर्च स्ट्रेटको क्षेत्रमा हवाई रक्षा प्रणालीले खसालेको बताएका थिए। उनले भने, ‘एयर डिफेन्स सिस्टमले केर्च स्ट्रेटको क्षेत्रमा दुश्मनका दुईवटा मिसाइललाई खसाल्यो। क्रिमियाको पुल प्रभावित भएको छैन।’

क्रिमिया क्षेत्रमा आक्रमणहरू सामान्य भइसकेका छन्। जुलाईको सुरुमा मस्कोले युक्रेनले क्रिमियातर्फ रातारात १७ ड्रोन प्रक्षेपण गरेको आरोप लगाएको थियो। रुसले यसलाई ‘आतंकवादी हमला’ भनेको छ ।  

रुसी वायु रक्षा बलले तीनवटा ड्रोन खसालेको छ भने तीनवटा क्रिमियन प्रायद्वीपमा र ११ वटा ब्ल्याक सीमा खसेका छन् ।