काठमाडौँ– सशस्त्र द्वन्दका पीडित सुरक्षाकर्मीका परिवारले बुधबार पनि काठमाडौंमा धर्ना दिएका छन् ।
सङ्क्रमणकालीन न्यायसँग सम्बन्धित विधेयकमा पीडकलाई उन्मुक्ति दिन खोजिएको भन्दै द्वन्द्वपीडित सुरक्षाकर्मी परिवार संस्थाले काठमाडौंको नयाँ बानेश्वरमा धर्ना दिएका हुन् ।
उनीहरूले सशस्त्र युद्धका बेला ज्यान गुमाएका र अंगभंग भएका व्यक्तिका परिवारलाई क्षतिपुर्तीको माग गर्नुका साथै पीडकलाई उचित सजायको व्यवस्था गर्न माग गरेका छन् ।
उनीहरूले द्वन्द्वका बेला बेपत्ता भएका नागरिकलाई सार्वजनिक गर्न पनि माग गरेका छन् । उनीहरूले आफूहरूको माग पुरा नभएसम्म राज्यलाई ध्यानाकर्षण गराउनका लागि प्रदर्शन गरिरहने जनाएका छन् ।
प्रतिक्रिया