काठमाडौँ- भारतको जम्मु कश्मीर सरकारले ५६ वटा रंगशाला बनाउने भएको छ । जम्मु कश्मीर सरकारले खेलकुद क्षेत्रलाई प्राथमिकता दिँदै ५६ वटा रंगशाला निर्माण गर्न लागेको हो ।

जम्मु कश्मीर खेलकुद परिषदले फुटबल, हकी, जिम्न्यास्टिक, उसु, कबड्डी, साइक्लिङ ब्याडमिन्टन, भलिबल, टेनिस, खोखो, थाङ् ताजस्ता खेलका लागि राजधानी, श्रीनगर, बुडगाम, गन्दरबाल, बरमुल्ला, अनन्तनाग, कुलगाम लगायतका क्षेत्रमा रंगशाला बनाउने भएको हो ।

भारतीय समाचार संस्था एएनआईका अनुसार ती रंगशालामा प्रशिक्षण दिनका लागि खेलकुद क्षेत्रसँग सम्बन्धित व्यक्तिहरुलाई प्रशिक्षकका रुपमा नियुक्त समेत गर्ने सरकारको योजना छ । यसका लागि खेलाडी, प्रशिक्षकजस्ता पदमा आवेदन खुला गरिएको एएनआईले उल्लेख गरेको छ ।