काठमाडौँ– वैदेशिक रोजगारीका लागि स्लोभाकिया पठाइदिन्छु भन्दै ठगी गर्ने एक जना पक्राउ परेका छन् ।

पाँचथरको फाल्गुनन्द गाउँपालिका घर भई हाल ललितपुर महानगरपालिका वडा नं १४ नख्खीपोट बस्ने ४६ वर्षिय एकराज नेम्बाङ पक्राउ परेका हुन् । काठमाडौँ उपत्यका अपराध अनुसन्धान कार्यालयको विशेष प्रहरी टोलीले उनलाई गोंगबुबाट पक्राउ गरेको हो ।

उनले विजय लिम्बुलाई स्लोभाकिया पठाइदिन्छु भन्दै १२ लाख रुपैयाँ ठगी गरेको प्रहरीले जनाएको छ ।

उनले वैदेशिक रोजगारीको लागि स्लोभाकिया जान १५ लाख रुपैयाँ लाग्ने र त्यहाँ २ लाखभन्दा बढी तलबमा कन्स्ट्रक्सन कम्पनीमा वेल्डिङको काम लगाइदिने प्रलोभन देखाएको प्रहरीको भनाइ छ ।

उनाइ थप अनुसन्धान तथा कारबाहीको लागि वैदेशिक रोजगार विभाग बुद्धनगर, काठमाडौँ पठाइएको प्रहरीले जनाएको छ ।