काठमाडौँ– प्रमुख प्रतिपक्ष दल नेकपा एमालेले आज पनि प्रतिनिधिसभा बैठक अवरुद्ध गरेको छ ।
बैठक सुरु हुनासाथ एमाले सांसद सूर्यबहादुर थापा क्षेत्रीले समय लिएर बोल्दै एक सय केजी सुन तस्करी प्रकरणमा उच्चस्तरीय छानबिन समिति नबनेसम्म बैठक चल्न नदिने बताए ।
उनले तस्करीको संरक्षण गर्ने गरी गृहमन्त्रीको जवाफ आएकाले जवाफ चित्त बुझ्दो नभएको बताए । त्यसपछि एमाले सांसदहरू वेल घेर्न पुगेका थिए ।
सभामुख देवराज घिमिरेले संसद्को कार्यसूची अगाडि बढाउनका लागि पटक पटक आग्रह गर्दा एमालेले अवरोध कायमै राखेपछि सभामुख घिमिरेले प्रतिनिधिसभाको अर्को बैठक साउन २६ दिउँसो २ बजे बस्ने गरी स्थगित गरेका छन् ।
प्रतिक्रिया