काठमाडौं- यूएनडीपी नेपालको सहकार्यमा सशस्त्र प्रहरी परिवार महिला संघले आयोजना गरेको खुल्ला चित्रकला प्रतियोगिता सम्पन्न भएको छ । नेपाल एपीएफ रङ्गशालामा सम्पन्न प्रतियोगितामा ९२ जना सहभागी थिए ।

लैङ्गिक हिंसाविरुद्धको १६ दिने  अन्तर्राष्ट्रिय अभियानको अवसर पारेर प्रतियोगिताको आयोजना गरिएको हो ।

प्रतियोगितामा उत्कृष्ट १० जनालाई प्रमुख अतिथी यूएनडीपीकी आइशानी मेदागाङ्गोडा लाबे र सशस्त्र प्रहरी परिवार महिला संघकी अध्यक्ष अनिता लामिछाने अर्यालले पुरस्कार तथा प्रमाणपत्र प्रदान गरेका थिए ।

प्रतियोगतिामा विभिन्न विद्यालयका छात्रछात्राहरुको उपस्थिती हुनुको साथै प्रतियोगीहरुले लैङ्गिक समानता, समता र महिला सशक्तीकरणसम्बन्धी चित्रकला प्रस्तुत गरेका थिए ।

निरन्तर रुपमा विभिन्न समाजसेवाका कार्यहरु गर्दै आईरहेको सशस्त्र प्रहरी परिवार महिला संघले लैङ्गिक हिंसाविरुद्धको १६ दिने अन्तर्राष्ट्रिय अभियान अन्तर्गत ‘लैङ्गिक हिंसा अन्त्यको सुनिश्चितताः महिला र बालबालिकामा लगानीको ऐक्यबद्धता’ भन्ने राष्ट्रिय नारालाई अघि सार्दै प्रतियोगितको आयोजना गरेको हो ।

प्रतियोगितामा नेपालस्थित भारतीय, श्रीलंकाली र दक्षिण कोरियाली राजदूतावासका प्रतिनिधीलगायत संघका पदाधिकारीहरुको समेत उपस्थिती रहेको थियो ।