काठमाडौँ – मानव अधिकार तथा शान्ति समाजले जाजरकोट भूकम्पपीडितका लागि रु एक लाख १५ हजारको १०० थान ब्ल्याङ्केट सहयोग गरेको छ ।

शान्ति समाजका कर्णाली प्रदेश सचिव प्रकाश शाही र आजीवन सदस्य गोविन्द दाहालसहितको टोलीले जाजरकोटस्थित विपद् व्यवस्थापन आपुर्ति समितिलाई न्यानो कपडा हस्तान्तरण गरेको हो ।

यसैगरी शान्ति समाजले काठमाडौँको कागेश्वरी मनोहरा नगरपालिका वडा नं १ गागलफेदीस्थित जेष्ठ नागरिक सेवा आश्रम र कीर्तिपुर नगरपालिका वडा नं.४ टौदहस्थित निजानन्द आश्रमलाई बस्त्रसहित नगद रु. १८ हजार सहयोग प्रदान गरिएको सभापति रामकृष्ण बरालले जानकारी दिए।

शान्ति समाजले विगत दुई दशकदेखि प्राकृतिक वा अन्य विपत्तिवाट सुरक्षाका लागि उद्धार, राहत र पूनर्बासका लागि प्रभावकारी एवं स्थायी संयन्त्र निर्माणमा जोड दिदैँ आएको छ । विगत एक दशकदेखि आफ्नो क्षमताले भ्याएसम्म राहत प्रदान गर्दै आएको पनि उनले बताए ।