काठमाडौँ- नेपाली कांग्रेसका सहमहामन्त्री महेन्द्र यादवमाथि काठमाडौंको भृकुटीमण्डस्थित रिपोर्टस क्लबमा खुकुरी प्रहार भएको छ ।
क्लबमा आयोजित कार्यक्रमबाट बाहिरिने क्रममा उनीमाथि नुवाकोटको विदुर घर भई हाल काठमाडौको बालाजुमा बस्दै आएका श्यामबहादुर सापकोटाले खुकुरी प्रहार गरेका हुन् ।
खुकुरी प्रहार गर्ने सापकोटाले कार्यक्रमको पहिलो लहरमै बसेर यादवको भाषण सुनेका थिए । कार्यक्रमपछि यादवलाई पछ्याउँदै गएर सापकोटाले खुकुरी प्रहार गरेका थिए ।
खुकुरी प्रहारबाट यादवको टाउको पछाडि चोट लागेको छ । घाइते भएका यादवको वीर अस्पतालमा उपचार भइरहेको छ ।
प्रतिक्रिया