काठमाडौं – औषधि व्यवस्थापन विभागले काठमाडौंको बुढानिलकण्ठ नगरपालिकामा रहेको लाईफ केयर फर्मामा सिलबन्दी गरेको छ । अवैध रुपमा औषधि बिक्रिवितरण गरेको भन्दै विभागले बुढानिलकण्ठ नगरपालिका १० आदर्शनगरमा रहेको लाईफ केयर फर्मामा सिलबन्दी गरेको हो ।

बुढानिलकण्ठ नगरपालिकामा रहेका औषधी पसलहरुमा नियन्त्रीत लागूऔषको कारोबार भई रहेको भन्ने सुचनाको आधारमा प्रहरी र औषधी व्यवस्थापन विभागले मंगलबार औषधी पसलहरुको अनुगमन गरेको थियो । अनुगमनको क्रममा लाईफ केयर फर्माबाट विभिन्न ३६ प्रकारका प्रकारका औषधिहरु बरामद गरिएको छ ।

साथै अन्य तीन औषधि पसलहरु ओखलढुङगा फर्मा, जेन्स हेल्थ केयर सेन्टर र सुर्याम्स फार्मेसीलाई सचेत गराईएको विभागले जनाएको छ ।