काठमाडौँ – चीन भ्रमणमा रहेका नेकपा (एमाले)का महासचिव शंकर पोखरेलले चिनियाँ कम्युनिस्ट पार्टी (सीपीसी)का पोलिटब्युरो सदस्य युआन च्याचुनसँग भेटवार्ता गरेका छन् । छोङछिङमा मंगलबार उनीहरुबीच भेटवार्ता भएको हो ।

पोखरेल र युआनबीच दुवै देशको सम्बन्धलाई अघि बढाउने विषयमा छलफल भएको बताइएको छ । पोखरेलले केपी शर्मा ओली प्रधानमन्त्री हुँदा चीनसँग भएको व्यापार तथा पारवहन सम्झौताले नेपालको राष्ट्रिय स्वाधिनता र गौरवमा वृद्धि गरेको जनाएका थिए । साथै उनले चिनियाँ राष्ट्रपतिको नेपाल भ्रमणका क्रममा भएको सम्झौता कार्यान्वयनको विषय उठाएका थिए । उक्त विषयमा युआनले सकारात्मक जवाफ दिएको भ्रमण टोलीका एक सदस्यले बताए ।

भेटमा पोलिटब्युरो सदस्य युआनले गत साउनमा गरेको नेपाल भ्रमणको स्मरण गरे । उनले नेपालीमा तीव्र आर्थिक विकासको चाहाना पाएको समेत बताए ।

एमाले महासचिव पोखरेलको नेतृत्वको २२ सदस्यीय टोली १३ दिने चीन भ्रमण छ ।